عتاب ضرورى وان فات أوانه
مش عيب عليك ؟
يا للى انت عمرك حسك.. صبار وبراوى
تصبح ركوبة أروبة
ببردعة شوكى موضة
ووبر اروباوى
مش عيب
وانت اللى كنت القصى ع القهر والتدجين
بتاو صعيدى وريفى – شيت محلاوى؟
كان لك مهابة ملك
ما تليقش ع السلاطين
هيبة مهيب البشر
فلاح بلاد النيل
اللى الشجر فى الحجر نبت على كفه
واللى القمر راعى حق الحلم العياله
فحلب خياله فنون - لحد ما استكفوا
هيبة حنون العاشق الهاوى وابن الليل
.. والشاعر الفاوى اللى بخته قليل